موضوع: ارحمونا....هاتجننونا.... الإثنين مايو 28, 2012 8:13 pm
ارحمونا ارحمونا يا خلايق ارحمونا ارحموناوالا ناويين تخنقونا التكاتك المجنونة والشكمانات الملعونة والأغانى المزعجة فى الشوارع صدعونا تعرفوا لو الهدؤ فى يوم يتباع كنت ادفع نص مالى بس أخلص م الصداع لا واغرب من كدا فيه حاجات مزعلانى ومبيتانى منكدة ببقى واقفة فى البلكونة بشوف مناظر مزعجة الكلام مبقاش كلام حتى السلام غيروه مبقاش سلام لما شاب يضرب زميله على قفاه ويقوله هاى والا غيره يدى صاحبه بالشلوت ويقوله باى والله انا شايفة عجب هو دا يبقى التمدن والا دى قله ادب لأ..ولسة اللى افظع من كدا الشباب مألكوش شكله ايه شعره قصه ديجراديه او كاريه وحواجبهم ابصر ايه بنطلونهم واقع منهم يجى شبر لأ وماشيين فرحانين بالبوكسرات اللى مالية الأعلانات ايشى احمر فيه قلوب واللى بمبى عليه دبدوب موبايلاتهم فى الجراب وفى ودانهم سمعات متهيئلى بيسمعوا راب وبيعملوا عليه حركات واللى اغرب من كدا هى معاكسات البنات اللى دايما نعرفوا هى معاكسات الشباب للبنات انما دلوقتى الحال انقلب البنات فى الشوارع فرصة ورباطها فلت الضحكة صوتها عالى ياه كل ما سمعها بقول لا اله الا الله ايه يا خواتى اللى بسمعوا وايه كما ن اللى انا شيفاه الهظار فى الشوارع والشتايم ع المسامع والدلع وياالوقاحة شىء مضايقنى بصراحة امتى هيعود الحياء للبنات واالرجولاة للشباب والهدؤ للشوارع والقلوب تبقى فى سكينة والخلايق مستكينة لسة جوايا كتير راح افضفض عن قريب وبصراحة بعد ما حكيت معاكم صدقونى حسيت براحة مرة تانية راح اقول عن حاجة تانية سلبياتنا اللى موجودة فى حياتنا انتظرونى عن قريب هحكى عن كل الغريب واللى فى حايتنا عجيب والسلام ع الكرام السلام 2000 سلام
