والأسوأ فيه زوجات ترد الإسائه بالخيانه!!وهذا ليس مبرر أبداً
على الأقل أضمني لنفسك أجر في الآخره لاتضيعي أجرك بيدك..
لماتكوني محافظه على نفسك ومأديه كل واجباتك ومنتظره أجرك من الله ماتبغي شي ولاشكر ولاثناء من زوجك ولاغيره راح تحسي إنك مرتاحه ..
حتى لو زوجك غليظ واللا سفيه واللا قاسي واللا متطلب واللا لسانه طويل واللا مهملك واللا مايهتم بك
تقولي ليه أنا ألبس وأتظبط أتعب نفسي ومايمدحني ليه أعطيه ويجحدني ليه احبه ويكرهني ليه أتقرب منه ويبعد عني ليه اهتم فيه ويهملني!
أنا أقولك ألبسي وأتظبطي وحاولي تتقربي منه إرضاءً لله وتذكري الآيه إللي تقول*وعجلت إليكَ ربّ لترضى*
خلي غايتك رضى الله قبل رضى زوجك
أختي
ألبسي وخليه يقول لك ماهو حلو
أطبخي وخليه يقول طبخك ماهو عاجبني
أحسني إليه وخليه يقول إنك مقصره
في النهايه إنتي تظفري بالأجر والثواب على صبرك وهو ربه حسيبه*وماربك بظلام للعبيد*
أختي
نصيييييحه من قلب يحبك..
يوم زوجك يغضب أصبري تذكري إنك مأجوره
ويوم يصرخ أصبري وأنت مأجوره
ويوم يظلمك أصبري وأنت مأجوره
ويوم يبخل أصبري وإنتي مأجوره فيه أحلى من كده!
لا تقولي ماأقدر بالتدريب والصبر كل شي يصير
اليوم تردي على توبيخه بكلمتين وبعده بكلمه وبعده تقدري تسكتي
أختي لاتعتبري أبداً سكوتك ضعف ..ولاتعتبري صبرك ضعف بالعكس
السكوت مايقدر عليه إلا قله من الناس فهذا معناه إنهم من الصفوه
صح أقولك تكلمي دافعي عن حقك لكن كلمه إثنين لاتزيدي مشاكلك وتضيعي أجرك
بيني وبينكم ياأخواتي من يوم تعلمت أحتسب أجري على الله صرت حتى يوم تصير بيننا مشاكل وأسكت وزوجي لو تكلم أفرح وأقول بيني وبين نفسي أحسن أحسن صرخ
إنت تنكتب عليك ذنوب وأنا يزيد رصيدي من الحسنات<<بالله ماهي فكره!
حتى يوم أجتهد وألبس وأتظبط حتى لو ماعجبه أقول الحمد لله سويت إللي عليا وأنا مأجوره إن شاء الله هوا لوتكلم يهديني حسنات ولو ماعجبه بكيييفه إللي عليا سويته..
ومثل ماقلت لك
حتى لو زوجك قصر إنتي أعطي
حتى لو أهمل إنتي اهتمي
حتى لو جحد إنتي تكرّمي
صدقيني مأجوره إن شاء الله
لاتهملي نفسك ولابيتك ولاتقصري في أي من واجباتك وتخلي لأحد مدخل عليكي
لو صارت مشاكل لاقدر الله اول كلمه راح يقولها زوجك إنتي مهمله نفسك وبيتك ويتهمك بالتقصير
