عملت علبه مناديل من علبه السمنه جامده جداا

السلام عليكم ورحمة الله وبركاته

هدخل في الموضوع علطول
وانا قاعدة كده بقلب في القسم الجامد ده وبشوف الافكار التحفة
بصراحة كده فجرتو الطاقة الكامنة جوايا
قمت ادور في البيت عايزة اعمل اي حاجة
لقيت علبة السمنة خلصت اسيبها في حالها
ابداااا
ودي كانت آخر صورة ليها قبل الحادثة


رحت جبتها وقصيت الحرف اللي بتبقى فيه الايد بتاعتها بالكتر


بعد كده رحت جبت بكرة شريط ستان كنت جايباها من زمان ونفسي استخدمها وهاااتك يالف على العلبة وطبعا كنت بثبته بمسدس اللزق


ودا شكلها بعد ماخلصت


حلو لغاية هنا
بعد كده بقى سخنت والحماسة اخدتني ونسيت أصور
وقعدت أزوق فيها
وبقت كده


ودا الغطا بتاع العلبة عملت فيه فتحة وبعدين قصيت دايرة من ورق الجلاد على قده ولزقتها عليه
وطبعا لسه عندي ستان قعدت بقى ألزق فيه زي الموجة كده
وبعدين زوقته برضه بشوية زراير وورد وجليتر
وبقى كده


آه صحيح نسيت أقولكم ان علبة السمنة تحولت الى علبة مناديل
آه والله حتى شوفو












هاااه ... ايه رأيكم ؟؟!!

ييجي مني ولا ألملم عزالي وأمشي